AK Ukrayna da daxil olmaqla Aİ-nin müdafiə strategiyasını açıqlayıb

Avropa Komissiyasının rəhbəri Ursula fon der Leyen Avropa Müdafiə Agentliyinin illik konfransında çıxışı zamanı deyib ki, Aİ-nin müdafiə strategiyasına Ukrayna da daxil olmalıdır.

 

Oxu24.com  xəbər  verir  ki, bu barədə Reuters məlumat yayıb.

 

AK rəhbərinin sözlərinə görə, Ukrayna hərbi ehtiyaclarını ödəmək üçün Aİ-nin müdafiə proqramlarına inteqrasiya edilməlidir.

 

“Bizim strategiyamız yalnız o zaman tam ola bilər ki, o, həm də Ukraynanın ehtiyaclarını və sənaye potensialını nəzərə alsın”, - deyə fon der Leyen bildirib.

 

Bundan əvvəl müxalif ukraynalı siyasətçi, “Başqa Ukrayna” hərəkatının idarə heyətinin sədri Viktor Medvedçuk bəyan etmişdi ki, Avropa Parlamentinin getdikcə daha az üzvü Ukraynanı Rusiya ilə müharibə yolunda dəstəkləməyə hazırdır.

 

Onun fikrincə, Ukrayna bu gün hərbi, maliyyə, sosial və energetika sahəsində çöküş ərəfəsindədir.

 

Avropa Şurasının rəhbəri Çarlz Mişel də bildirib ki, hazırda Avropa İttifaqı ölkələrinin liderləri arasında Ukraynanın üzvlüklə bağlı danışıqlara başlamaq qərarı ilə bağlı razılıq yoxdur.

 

Bundan əvvəl Almaniya kansleri Olaf Şolz Ukraynanın NATO-ya üzv ola bilməyəcəyinin səbəbini açıqlamışdı.

 

Nigar