Məşhur siyasətçi  öldü

ABŞ Dövlət Departamentinin keçmiş rəhbəri Henri Kissincer Konnektikutdakı evində dünyasını dəyişib.

 

Oxu24.com xəbər verir  ki, bu barədə Washington Post qəzeti diplomatın konsaltinq şirkətinin bəyanatına istinadən məlumat yayıb.

 

Riçard Nikson və Cerald Ford administrasiyaları dövründə keçmiş dövlət katibi noyabrın 29-da 100 yaşında vəfat edib. Kissincerin ölüm səbəbi dəqiqləşdirilməyib.

 

Nəşr vurğulayır ki, Amerika diplomatiyasının keçmiş rəhbəri ABŞ tarixində eyni vaxtda dövlət katibi və Ağ Evin milli təhlükəsizlik üzrə müşaviri vəzifələrini tutan yeganə şəxsdir.

 

1973-cü ildə Kissincer Vyetnam müharibəsində Paris atəşkəs sazişini hazırladığına görə Nobel Sülh Mükafatına layiq görülüb.

 

Xatırladaq ki, Dövlət Departamentinin sabiq rəhbəri mayın 27-də 100 illik yubileyini qeyd edib. Diplomatın tərəfdaşlarının dediyinə görə, onun uzunömürlü olmasının sirri işgüzarlığı olub.

 

Müəllif: Nigar