Almaniyanın Kalininqraddakı Baş Konsulluğu bağlandı

Almaniyanın  Rusiyanın  Kalininqrad  vilayətindəki  Baş Konsulluğu bu gündən, noyabrın 30-dan etibarən fəaliyyətini dayandırır.

 

Oxu24.com  xəbər  verir  ki,bu barədə diplomatik nümayəndəliyin saytında yerləşdirilən məlumatda deyilir.

 

“Bundan sonra Kalininqraddakı Baş Konsulluğun ərazisində konsulluq və pasport məsələləri Sankt-Peterburqdakı Baş Konsulluq tərəfindən, vizanın rəsmiləşdirilməsi isə müstəsna olaraq Moskvadakı səfirliyin viza şöbəsi tərəfindən həyata keçirilir”, - məlumatda deyilir.

 

 

Xatırladaq ki, Almaniya səfirliyi Moskvada yerləşir.

 

Həmçinin Sankt-Peterburqda Baş Konsulluq və Vladivostok, Kazan və Saratovda üç fəxri konsul fəaliyyət göstərir.

 

Müəllif:Afət