Bolqarıstan öz hava məkanını Rusiyanın xarici işlər naziri Sergey Lavrovun Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının (XİNŞ) Şimali Makedoniyada keçirilən iclasına uçması üçün açıb.

Oxu24.com  xəbər  verir  ki,bu barədə TASS-a Rusiyanın Bolqarıstan Respublikasındakı səfiri Eleonora Mitrofanova məlumat verib.

Bundan əvvəl Rusiya Xarici İşlər Nazirliyinin rəhbəri qeyd edib ki, ATƏT-i dialoq platforması kimi xilas etmək şansları zəifdir, lakin bunu hələ də etmək olar.

Bundan əvvəl Aİ-nin xarici siyasət sözçüsü Peter Stano Rusiyanın xarici işlər naziri Sergey Lavrovun Şimali Makedoniyaya səfərinin Aİ-nin sanksiyalarını pozmayacağını bildirmişdi.

ATƏT Xarici İşlər Nazirlərinin görüşü 2023-cü il noyabrın 30-dan dekabrın 1-dək Şimali Makedoniyanın paytaxtı Skopyedə baş tutacaq.

Müəllif:Afət