On minlərlə rusiyalı ABŞ-dan sığınacaq istəyir

2022-ci ilin oktyabrından 2023-cü ilin sentyabrına qədər 57 163 Rusiya vətəndaşı sığınacaq axtarmaq üçün ABŞ sərhədini keçib.

 

Oxu24.com “The Moscow Times”-a istinadən   yazır ki, belə məlumatları Amerika sərhəd agentliyi yayıb.

Bu rəqəm əvvəlki illərdəki analoji rəqəmləri üstələyir.

2021-ci maliyyə ilində - 2020-ci ilin oktyabrından 2021-ci ilin sentyabrına qədər - 4,5 dəfə az rusiyalı ABŞ-dan sığınacaq üçün müraciət edib - cəmi 13 240 nəfər. Bir il sonra bu rəqəm təxminən üç dəfə artaraq 36 271 nəfərə çatıb.

 

Sığınacaq axtaranların sayındakı artım Rusiyanın 2022-ci ilin fevralında Ukraynaya müdaxiləsindən sonra başlayıb və noyabr və dekabr aylarında Rusiyanın səfərbərliyi elan edildikdən sonra zirvəyə çatıb. Bu aylar ərzində müvafiq olaraq 6931 və 9227 qaçqın sərhədi keçib.

Ruslar ən çox ABŞ-a Rusiyada davam edən səfərbərlik, siyasi təqiblər və hakimiyyətin Ukrayna ilə bağlı siyasəti ilə razılaşmadıqları üçün köçürlər.

Rosstatın məlumatına görə, 2022-ci ildə 24 milyondan çox insan ölkəni tərk edib ki, bu da əvvəlki illə müqayisədə üç milyon çoxdur.

 

Müəllif:Afət