ABŞ Dövlət Departamenti üç gün əvvəl ABŞ və Almaniyanın Zelenskiyə Moskva ilə danışıqlara məcbur etmək üçün təzyiqindən bəhs edən Bild nəşrinin yalan olduğunu bildirib.

Oxu24.com  xəbər  verir  ki,  bu barədə TASS məlumat yayıb.

“Bild-dəki məqalə maraqlı idi. Lakin, yox. Amerika siyasəti yoxdur... Biz həmişə demişik ki, Ukrayna buna qərar verməlidir. Biz Ukraynasız Ukrayna ilə bağlı heç nə qərar verməyəcəyik”, - ABŞ dövlət katibinin Avropa və Avrasiya məsələləri üzrə köməkçisi Ceyms O’Brayen ABŞ dövlət katibi Antoni Blinkenin bu həftə Avropaya səfəri ilə bağlı jurnalistlər üçün xüsusi telefon brifinqində deyib.

O qeyd edib ki, Moskvanın sülh məsələsini müzakirə etməyə hazır olduğuna dair əlamətlər olmayana qədər Kiyevdən Rusiya ilə danışıqlara başlamağı tələb etməyin mənası yoxdur.

Noyabrın 24-də Bild qəzeti ABŞ və Almaniya hakimiyyətinin Ukrayna prezidenti Vladimir Zelenskini yalnız cəbhəni saxlamaq üçün lazım olan silahlarla təmin etməklə Rusiya ilə danışıqlara razı salmaq niyyətində olduğunu iddia edən məqalə dərc edib.

Bundan əvvəl Rusiya prezidenti Vladimir Putin G20 sammiti zamanı bildirib ki, Rusiya heç vaxt Ukrayna ilə sülh danışıqlarından əl çəkməyib.

Müəllif: Miri