İran 21 yaşlı gənci gizli dam edib

İranda 21 yaşlı hökumət əleyhinə etirazçı Milad Zöhrəvand gizli şəkildə edam edilib.

 

Oxu24.com xəbər  verir   ki,bu barədə BBC Fars xidməti bir neçə mənbəyə istinadən məlumat yayıb.

 

Məlumatı Hengaw hüquq müdafiə təşkilatı da təsdiqləyib.

Edam noyabrın 23-də səhər saatlarında Həmədan şəhərindəki həbsxanada həyata keçirilib.

Zöhrəvənd İslam İnqilabı Keşikçiləri Korpusunun bir üzvünü öldürməkdə ittiham olunurdu.

Mənbələr nəşrə bildiriblər ki, saxlanılması və məhkəməsi zamanı ona vəkillik verilməyib.

İran hakimiyyəti edamı təsdiqləməyib.

BBC Fars xidməti qeyd edir ki, edam təsdiq olunarsa, Zöhrəvənd ötən ilki edam edilən etirazların səkkizinci iştirakçısı olacaq.

2022-ci ildə İranda kütləvi etirazlar bir neçə ay davam etdi, buna səbəb 22 yaşlı Məhsa Əmininin ölümü idi. O, ötən ilin sentyabrında İran polisi tərəfindən düzgün hicab geyinməməkdə ittiham edilərək saxlanılıb.

Polis bölməsindən xəstəxanaya aparılan qız bir neçə gün sonra orada dünyasını dəyişib.
Aminin yaxınları onun ölümünün təhlükəsizlik qüvvələri tərəfindən döyülməsi olduğunu güman edirlər.

Hüquq müdafiəçilərinin məlumatına görə, etirazlar zamanı 600-ə yaxın nümayişçi həlak olub, 20 minə yaxın insan isə nəzarətə götürülüb.

 

Müəllif: Miri Məcidli