İsrail ordusu Qəzzada yenidən döyüşlərə hazırlaşır

İsrail Müdafiə Qüvvələri (IDF) Qəzza zolağında indiki mövqelərində qalır və humanitar fasilə başa çatdıqdan sonra tezliklə hərbi əməliyyatları bərpa etməyə hazırlaşacaq.

 

Oxu24.com   bu barədə İsrail Müdafiə Qüvvələrinin rəsmi nümayəndəsi Daniel Həqariyə istinadən xəbər verir.

 

“Qəzzada səhər saatlarından etibarən qüvvələrimiz atəşkəsə hazırlaşır. Komandirlər qüvvələrimizə məlumat verdilər, əsgərlərimizin təhlükəsizliyi Qəzzada ordumuz üçün ən yüksək prioritetdir”.

 

Həqari qeyd edib ki, yaxın günlərdə İsrail Müdafiə Qüvvələri hərbi əməliyyatların bərpası üçün hazırlığı davam etdirəcək.

 

Noyabrın 24-də HƏMAS-ın İsraillə humanitar razılaşma əsasında ilk girovları azad etdiyi məlum olub. Beynəlxalq Qızıl Xaç Komitəsi daha sonra Qəzza zolağından girov götürülən 24 nəfərdən ibarət qrupun uğurla azad edildiyini təsdiqləyib.

Həkimlər Qəzza zolağından azad edilən girovları müayinə edib və onların həyatlarına təhlükə olmadığı barədə qərara gəliblər.

 

Müəllif:Afət