Rusiya Moldovaya cavab verib

Rusiya Moldovanın Avropa İttifaqı ölkələrinin anti-Rusiya sanksiyalarına qoşulma qərarını cavabsız qoymayacaq.

 

Oxu24.com xəbər  verir   ki,bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.

 

“Moldova tərəfinin qərarı cavabsız qalmayacaq. Görülmüş tədbirlər barədə əlavə məlumat veriləcək”, - deyə Xarici İşlər Nazirliyinin nümayəndəsi bildirib.

 

Zaxarova hesab edir ki, Moldova hakimiyyəti “Kişinovun günahı ucbatından artıq çox acınacaqlı vəziyyətdə olan” Rusiya Federasiyası ilə ikitərəfli münasibətləri tamamilə pozmağa yönəlib.

 

O, hesab edir ki, Moskva sanksiyalara qoşulmağı “Moldova rəhbərliyinin kollektiv Qərbin anti-Rusiya kampaniyasına tam inteqrasiya olunmuş növbəti düşmən addımı” kimi qiymətləndirir.

 

Diplomatın sözlərinə görə, Moldova hakimiyyətinin bu cür ritorikası yerli sakinlərin maraqlarına cavab vermir, onların əksəriyyəti Rusiya Federasiyasına mehribandır və iki dövlət arasında tam əməkdaşlığın davam etdirilməsində maraqlıdır.

 

Bundan əvvəl Moldova Xarici İşlər Nazirliyinin rəhbəri Nikolae Popesku bəyan edib ki, Moldova hakimiyyəti Rusiyaya qarşı iki məhdudlaşdırıcı tədbirlər paketinə qoşulma imkanlarını öyrənir.

 

Bundan əvvəl Zaxarova Moldova prezidentinin yalanlarından danışıb.

 

Müəllif:Afət