Moldova Rusiya kəşfiyyat xidmətləri ilə əməkdaşlıqdan imtina edib

Moldova parlamenti respublikanın İnformasiya və Təhlükəsizlik Xidməti (İSS) ilə Rusiya Xarici Kəşfiyyat Xidməti (SVR) və Federal Təhlükəsizlik Xidməti (FSB) arasında əməkdaşlıq haqqında sazişə xitam verib.

 

Oxu24.com  xəbər  verir  ki,müvafiq qərar idarənin rəsmi internet saytında yayımlanan iclasında təsdiq edilib.

 

“Moldova Respublikası ilə Rusiya Federasiyası arasında informasiya fəaliyyəti sahəsində əməkdaşlıq haqqında 1994-cü il aprelin 18-də Kişinyovda bağlanmış saziş ləğv edilsin”, - respublika parlamentinin qərarında deyilir.

 

Moldova İSS-i aydınlaşdırıb ki, onlar rusiyalı həmkarları ilə əməkdaşlığı dayandırırlar, çünki bu sazişlər artıq respublikanın “milli maraqlarına və təhlükəsizlik maraqlarına” uyğun gəlmir.

 

Ölkənin kəşfiyyat xidmətinin məlumatına görə, Moskva onlardan “Rusiya xüsusi xidmət orqanlarının nümayəndələrinin Dnestryanıda olmasına haqq qazandırmaq” üçün istifadə edib.

 

İyul ayında Moldovanın İnformasiya və Təhlükəsizlik Xidməti (İSS) Rusiya FSB ilə tərəfdaşlıq müqaviləsini ləğv edib.

 

Bundan əvvəl Moldova parlamenti ölkədə 2021-ci ilin sonundan etibarən qüvvədə olan fövqəladə vəziyyətin müddətini dəqiqləşdirib.

 

Müəllif:Nigar