Fırıldaqçılar məktəbli qızı belə aldatdı - Polis onları axtarır

Moskvada fırıldaqçılar 12 yaşlı məktəbli qızı nənəsini avtomobil vurduğuna inandırıb və uşağı valideynlərinin bütün əmanətlərini onlara verməyə məcbur ediblər.

 

Oxu24.com  xəbər  verir  ki, bu barədə Baza Telegram kanalı məlumat yayıb.

 

12 yaşlı qız evdə tək olarkən naməlum şəxslər ona zəng vurublar, qız nənəsinin ona zəng etdiyini zənn edib.

 

Bir müddət sonra uşağa yenidən zəng gəlib. Tanımadığı bir səs uşağa nənəsini maşın vurduğunu sbildirib. Onu xilas etmək üçün təcili olaraq 600 min rubl lazım olduğu bildirilib.

 

Məktəbli qız mənzildə 375 min rubl tapıb və fırıldaqçıların  göstərişinə əməl edərək pulu dəsmala  büküb gələn kuryerə verib.

 

Hadisə ilə  bağlı  polis  araşdırma  aparır.

 

Müəllif: Nigar