Nigerin paytaxtı Niamey məhkəməsi ölkənin devrilmiş prezidenti Salem Mohamed Bazoumun oğlunu hakimiyyət orqanlarının həbs etməklə səlahiyyətlərini aşdığını əsas gətirərək dərhal azadlığa buraxmağa qərar verib.

Oxu24.com xəbər verir  ki,bu barədə Çadın “Al Wihda” xəbər portalı məhkəmənin qərarına istinadən məlumat yayıb.

Sənəddə deyilir ki, “Salem Mohamed Bazoum pis davranışın qurbanıdır”. Nigerdəki çevrilişdən bəri o, atası və anası ilə birlikdə hərbi mühafizə altında təcrid olunub.

Bundan əvvəl dövlət çevrilişi nəticəsində devrilən Niger prezidenti Məhəmməd Bazumun ailə üzvləri ilə birlikdə malyariyaya yoluxduğu bildirilirdi.

İyulun 26-da səhər saatlarında Niger prezidentinin mühafizəsi prezident Mohamed Bazoumu paytaxt Niameydəki iqamətgahında saxlayıb. Prezident qvardiyası Bazumun iqamətgahına girişi bağlayıb və danışıqlar aparanların onu azad etmək tələblərini rədd edib. Bildirilib ki, üsyançılar prezidenti istefa ərizəsini imzalamağa məcbur edirlər, lakin o, bundan imtina edib. Nigerdə ​​bütün qurumların işi dayandırılıb, ölkə sərhədləri bağlanıb. KİV-in məlumatına görə, üsyana səbəb Niger prezidentinin prezident qvardiyasının komandiri, general Ömər Çianinin vəzifədən azad edilməsi məsələsini qaldırması olub.

Müəllif:Afət