Moskvaya ilk qar oktyabrın 8-dən 12-dək yağa bilər

Moskvalılara oktyabrın əvvəlində havadan nə gözlədikləri, ilk qarın olub-olmayacağı bildirilib.

Oxu24.com xəbər verir  ki,“Phobos” mərkəzinin aparıcı mütəxəssisi Mixail Leus “Komsomolskaya Pravda” radiosunda öz proqnozunu bölüşüb.

Ekspertin fikrincə, oktyabrda Rusiyaya əsl payız gələcək. Növbəti həftəsonunun sonuna kimi aktiv siklonun təsiri ilə havanın daha da soyuyacağı gözlənilir. Bazar ertəsi, oktyabrın 2-də gündüz havanın temperaturu 15 dərəcə olacaq, yüngül yağış yağacağı ehtimalı var. Göy buludlu olacaq, külək güclənəcək. Oktyabrın ilk həftəsində temperatur aşağı düşəcək. Sinoptikin məlumatına görə, gündüz 9-14 dərəcə isti olacaq.

Eyni zamanda, Leus bu rəqəmlərin oktyabr ayının orta göstəricilərindən iki-üç dərəcə yüksək olduğunu vurğulayıb. Meteoroloqun sözlərinə görə, ilk qar oktyabrın 8-dən oktyabrın 12-dək yağa bilər.

Müəllif:Nigar