Keniyada şagirdlərin şəkillərini paylaşan məktəblərə cərimələr tətbiq edilir

Keniyada bir məktəb valideynlərinin icazəsi olmadan şagirdlərinin şəkillərini internetdə paylaşdığı üçün təxminən 31 min dollar cərimə olunub.

Oxu24.com xəbər verir  ki,Bir neçə il əvvəl yaradılan Məlumatların Mühafizəsi İdarəsi digər insanların məlumatlarını icazəsiz paylaşdıqları üçün restoranlar, alış-veriş saytları və təhsil müəssisələrini cərimələyib.

Ofisdən verilən açıqlamada, Uthiru rayonundakı bir məktəbə valideynlərinin icazəsi olmadan azyaşlı uşaqların fotoşəkillərini paylaşdığı üçün təxminən 31 min dollar cərimə edildiyi bildirilib.

Açıqlamada bu cəzanın “analoji səbəbdən hər hansı təhsil müəssisəsinə tətbiq edilən ən böyük cəza” olduğu bildirilib və bunun bütün təhsil müəssisə və təşkilatlarına mesaj olduğu vurğulanıb.

Məlumatların Mühafizəsi İdarəsi bütün müəssisələrdən məlumatların mühafizəsi qanununa riayət etməyi tələb etdi.

 

Müəllif: Nigar