NASA astronavtı Frank Rubio və rus kosmonavtları Beynəlxalq Kosmik Stansiyadakı missiyalarını başa vuraraq Yerə qayıdıblar.

Oxu24.com xəbər verir  ki,Rubio ABŞ astronavtının kosmosda ən uzun müddət qalma rekordunu 371 günlə yeniləyib.

ABŞ Aeronavtika və Kosmik Agentliyinin (NASA) astronavtı Frank Rubio və rusiyalı kosmonavtlar Sergey Prokopyev və Dmitri Petelin Beynəlxalq Kosmik Stansiya tarixindəki ən uzun missiyanı başa vurublar.

Astronavt və kosmonavtları daşıyan "Soyuz MS-23" kosmik gəmisi yerli vaxtla saat 17.17-də Qazaxıstanın Jezkazqan şəhərinin cənubundakı kənd ərazisinə paraşütlə eniş edib.

Ekipaj bölgədə gözləyən qruplar tərəfindən kapsuldan çıxarılıb.

Astronavtlar və kosmonavtlar 1 ildən sonra Yerə qayıdıblar

Beynəlxalq Kosmik Stansiyaya çatan astronavt Rubio 371 günlə kosmosda ən uzun müddət qalan amerikalı astronavt kimi tarixə düşüb.

Prokopyev, Petelin və Rubio 21 sentyabr 2022-ci ildə 6 aylıq missiya üçün Beynəlxalq Kosmik Stansiyaya çatdılar. Lakin dekabr ayında kosmik gəmidə nasazlıq yarandığı üçün kosmik missiya 2023-cü il sentyabrın 27-dək uzadılıb və ekipajın geri qayıtması üçün “Soyuz MS-23” kosmik gəmisi stansiyaya göndərilib.

Kosmosda ən uzun müddət qalaraq dünya rekordu qıran şəxs 1994-cü ilin yanvarından 1995-ci ilin martına qədər Mir Kosmik Stansiyasında 437 gün olmuş rus kosmonavt Valeri Polyakov olub.

Müəllif:Nigar