Ukrayna və ABŞ korrupsiyaya qarşı birgə mübarizə aparmaq barədə razılığa gəliblər

ABŞ Müdafiə Nazirliyi və Ukrayna Milli Antikorrupsiya Bürosunun (NABU) nümayəndələri memorandum imzalayıblar, buna əsasən ölkələr Pentaqonun nəzarəti altında Amerika silahlarının tədarükü ilə bağlı korrupsiya cinayətlərini birgə müəyyən etmək və qarşısını almaq barədə razılığa gəliblər.

Oxu24.com xəbər verir  ki, bu barədə  TASS məlumat yayıb.

“Sənəd Birləşmiş Ştatların köməyinə təsir edən korrupsiya cinayətlərinin müəyyən edilməsi və qarşısının alınması üzrə birgə fəaliyyətləri nəzərdə tutur”, - büronun bəyanatında deyilir.

Qeyd olunur ki, memorandumu NABU-nun direktoru Semyon Krivonos və Pentaqonun baş müfəttişi Robert Ştorç imzalayıb, onun əsas məqsədi ABŞ hökumətinin Ukraynaya ayırdığı beynəlxalq yardımdan səmərəli istifadəni təmin etməkdir.

Ukrayna departamentinin məlumatına görə, Ştorç ABŞ Beynəlxalq İnkişaf Agentliyi və ABŞ Dövlət Departamenti ilə əməkdaşlıq edərək oktyabrın 18-dən yardım axınına nəzarət etməyə başlayacaq.

Bundan əvvəl Ukrayna prezidenti Vladimir Zelenski bildirmişdi ki, Ukrayna və ABŞ birgə müdafiə ekosistemi yaradacaq və bu sistem çərçivəsində ölkələr lazımi silahları istehsal edə biləcək.

 

Müəlif:Afət