Oxu24.com “Sport-Express”-ə istinadən  xəbər verir ki, Rusiya Antidopinq Agentliyinin (RUSADA) baş direktoru Veronika Loginova fiqurlu konkisürən Kamilə Vəliyevanın dopinqdə təqsirli olduğunu, lakin bunun minimal olduğunu bildirib.

“RUSADA hesab edir ki, idmançı qaydaları pozmaqda günahkardır, lakin bu, minimaldır. Ağlabatan sanksiya xəbərdarlıq ola bilər”, - Loginova bildirib.

2022-ci il Olimpiadası zamanı Kamilə Vəliyevanın ətrafında dopinq qalmaqalı yaranıb. İdmançının 2021-ci ilin dekabrında götürdüyü nümunədə qadağan olunmuş maddə aşkar edilib. Onu Oyunlarda iştirakdan məhrum etmək istəyirdilər. Qadınların fərdi yarışının başlamasına sözün əsl mənasında bir gün qalmış onun turnirə buraxılması barədə qərar qəbul edilib.

Fərdi turnirdə medal qazana bilməsə də, komanda birinciliyində birinci olub. Müsbət hökm olarsa, Rusiya komandası komanda turniri medalını itirə bilər. Sentyabrın 26-dan 29-dək Vəliyevanın işi İdman Arbitraj Məhkəməsində (CAS) keçirilir.

Müəllif: Nigar