Kanadada irimiqyaslı meşə yanğınları: tüstü Norveçə yaxınlaşır

Kanadada baş verən güclü meşə yanğınının tüstüsü tezliklə Norveçə çata və sağlamlıq problemlərinə səbəb ola bilər.

Oxu24.com xəbər  verir  ki, bu barədə Associated Press məlumat yayıb.

Norveçli ekspertlərin fikrincə, tüstü  artıq Qrenlandiya və İslandiyada müşahidə olunur, yaxın gələcəkdə Norveçin cənubunda da yaranacaq.

Son bir neçə gündür Kanadanın Kvebek əyalətində meşələr yanır.

BBC News-un məlumatına görə, meşə yanğınlarının sahəsi 3,3 milyon hektardır. Kanadanın Baş naziri Castin Trudeau artıq ölkənin "ən pis meşə yanğınları mövsümü" ilə üzləşdiyini bildirib. Güclü tüstü səbəbindən minlərlə reys təxirə salınıb.

Kanadada ilin bu vaxtı meşə yanğınları xarakterikdir. Lakin bu il müşahidə edilən yanğınların miqyası qeyri-adidir, buna qismən daha quru hava və daha isti temperatur səbəb olur.

 

Ağ Ev Kanadaya meşə yanğınları ilə mübarizə üçün yardım göndərdiyini bildirib.

 

Tərcümə:Aynurə Məcidova