ABŞ-a qeyri-qanuni yollarla gedən 12 tarixi əsər Türkiyəyə gətirilir

Oxu24.com TRT Haber-ə istinadən xəbər verir  ki, uzun müddət davam edən sınaqlar nəticəsində Türkiyəyə verilməsinə qərar verilən tarixi əsərlər Nyu York Baş Konsulu Reyhan Özgür və Mədəniyyət və Turizm Nazirliyi rəsmilərinin də iştirak etdiyi Manhetten Rayon Prokurorluğunda təşkil edilən mərasimlə geri qaytarılıb.
 
Baş konsul Özgür mərasimdəki çıxışında Nyu-Yorkun prokuroru Alvin Braqqa və Daxili Təhlükəsizlik İstintaq Bürosunun agentlərinə təşəkkür edib.
 
 
Tarixi əsərlər üzərində birgə işlərin Türkiyə ilə ABŞ arasında əməkdaşlığı gücləndirdiyini deyən Özgür, bunların mədəni sərvətlərin qaçaqmalçılığı ilə mübarizə aparan dünya ictimaiyyəti üçün də ilham mənbəyi olduğunu bildirib.
 
Nyu-York prokurorunun köməkçiləri Metyu Boqdanos və Lisa DelPizzo da çıxışlarında sözügedən tarixi əsərlərin təsbit edilərək öz torpaqlarına qaytarılmasından xoşbəxt olduqlarını və bu mövzuda Türkiyə ilə yaxından işləməyə davam edəcəklərini vurğulayıblar.
 
Əsərlərin sərgiləndiyi salonda edilən çıxışlardan sonra baş konsul Özgür və DelPizzonun imzaları ilə təhvil-təslim prosesi tamamlandı.
 
 
Nyu York Mədəniyyət Attaşesi rəsmiləri Türkiyənin Burdur, Konya, Şanlıurfa, Çanaqqala, Manisa, Antalya və Şərqi Anadolu kimi müxtəlif bölgələrinə aid 12 dəyərli tarixi əsərin bu gün THY Karqo ilə Türkiyəyə göndəriləcəyini bildirib.
 
Səlahiyyətlilər geri qaytarılan əsərlər arasında Burdurun Bubon Antik Şəhərindən olan tunc Septimus Severus heykəlinin xüsusi əhəmiyyət kəsb etdiyini qeyd ediblər.
 
ABŞ-da ələ keçirilən və Türkiyə rəsmilərinə təhvil verilən tarixi əsərlərin siyahısı belədir:
 
Tunc öküz arabası (2 ədəd), Roma dövrü hərbi diplomu, Neolit ​​dövrü hacıları ana ilahəsi fiquru, Urartu dövrü terrakota vaza, Roma dövrünə aid bürünc taclı kişi başı, Killia tipli mərmər bütü, Hydai Qədim Şəhərindən Oinochoe, Çatalhöyükdən daş heykəlcik , Roma dövrü tetrarx heykəli başı, Perge Teatrından heykəl başı, Bubon tunc qolu və Septimius Severus heykəli.

Tərcümə: Miri Məcidli