Ukrayna ordusu  separatçılara və işğalçılara qarşı yeni əməliyyata hazırlaşır.

Oxu24.com Ukrayna mətbuatına istinadən xəbər  verir  ki, "LPR" separatçılarının nümayəndələri bildiriblər ki, Ukrayna Silahlı Qüvvələri LPR-nin Kremennaya şəhərinə birdən-birə üç istiqamətdən - şimal-qərb, qərb və cənub-qərbdən hücum edə bilər.

“Ukrayna komandanlığı Kremennayanın coğrafi mövqeyinə görə bu istiqaməti hücum üçün prioritet hesab edir. Hazırda eyni vaxtda üç istiqamətdən hücum hərəkətləri mümkündür: qəsəbənin şimal-qərbi, qərbi və cənub-qərbi”, - deyə  mənbə  bildirib.

Hazırkı əlverişsiz hava şəraiti Ukrayna qoşunlarının maddi-texniki təminatına təsir göstərmir, çünki Kremennaya ətrafındakı torpaq “əsasən qumludur” və şəhərin yaxınlığındakı iynəyarpaqlı meşə Ukrayna ordusunun canlı qüvvəsini və texnikasını kamuflyaj etməyə kömək edə bilər.

Tərcümə: Nigar