Əvvəllər xəbər verildiyi kimi, Azərbaycan və Ermənistan sərhədində hərbi əməliyyatların aktiv fazasından sonra iki dövlətin gizli xidmətləri arasında sərt kiber müharibə başlanıb.
Virtualaz.org bildirir ki, bir müddət əvvəl azərbaycanlı kiber mütəxəssislər başqa bir strateji obyektin - "Ermənistanın Elektrik Şəbəkələri” nin saytını dağıdaraq ələ keçiriblər.Qurumun veb saytında Azərbaycan Prezidenti İlham Əliyevin çıxışından "Qarabağ – bu, Azərbaycandır!" və "Erməni hərbçisi ölmək istəmirsə, Azərbaycan torpaqlarını tərk etməlidir" sitatları yerləşdirilib.
Xatırladaq ki, bundan əvvəl azərbaycanlı kiber mütəxəssislər Ermənistanın baş naziri Nikol Paşinyanın veb saytını dağıdaraq ələ keçirmişdilər.
Bundan başqa, Azərbaycan xakerləri gün ərzində bir sıra erməni saytlarını da sındıraraq "Azərbaycan əsgəri”, "Qarabağ Azərbaycandır və Nida işarəsi” lozunqunu yerləşdiriblər.
Dağıdılan veb resurslar içərisində həm dövlət qurumlarının, həm də bir sıra şirkətlərin rəsmi saytları olub.
Oxu24.com
ŞƏRHLƏR