Yerevan tibb mərkəzinin direktoru, cərrah Nikolay Dallakyan Gümrüdə vəhşicəsinə döyülən 13 yaşlı qızın vəziyyətindən danışıb.

KONKRET.az erməni mediasına istinadən xəbər verir ki, onun sözlərinə görə, qız mərkəzə son dərəcə ağır vəziyyətdə gətirilib:

“Ona beynin, sinənin, qarın boşluğunun, sağ kəllə sümüyünün sınığı diaqnozu qoyulub. Qız hazırda süni tənəffüs aparatına qoşulub”.

Həkim qızın Gümrüdən İrəvana huşsuz vəziyyətdə, daxili qanaxma şübhəsi ilə gətirildiyini söyləyib: “Uşağın əsasən başı zədə alıb. Bu anda təkrar əməliyyat keçirməyə ehtiyac yoxdur”.

Bir gün əvvəl Gümrünün Proşyan küçəsindəki bir evdə ana və qızına qarşı zorakılıq olub. Klinikaya çatdırılan qızın 43 yaşlı anası Marina X.-nın evdə cəsədi tapılıb. Yeniyetməyə isə küt alətlə çoxsaylı zərbələr endirilib.

İddiaya görə, hadisəni 28 yaşlı bir nəfər törədib.