![](https://oxu24.com/uploads/posts/2019-09/1567532613_sirnak-inek-satip-ciktiklari-avrupa-turunda-1-2-12386957_o.jpg)
Oxu24.com xəbər verir ki, Artuç ailəsi, beləcə, səyahət etdikləri ölkələrin sayını 25-ə çatdırıb. Son 10 ildə onlar Suriyada, İraqda, İranda, Ermənistanda, Gürcüstanda, Rusiyada, Kubada, Yaponiyada, Braziliyada və Qətərdə olmuşdular. İnəkləri satmaq Avropaya ayaq açmağa imkan verib. Ər-arvad Bolqarıstana, Serbiyaya, Macarıstana, Avstriyaya, Slovakiyaya, Çexiyaya, Almaniyaya, Hollandiyaya, İspaniyaya, İtaliyaya, Fransaya, Sloveniyaya, Xorvatiyaya, Makedoniyaya və Yunanıstana gedib.
Feyzullah Artuç deyir ki, bu dəfə tarixi yerləri görmək istəyirdilər. Bunun üçün 1500 km məsafə qət ediblər. Yerli geyimlərini, rəqslərini hətta Eyfel qülləsinin qarşısında da göstərməyə imkan tapıblar. Ətrafdakıların böyük marağına səbəb olublar.
Feyzullah heç bir xoşagəlməz hadisə ilə üzləşmədiklərini söyləyir. Avropada yaşayan türkiyəlilər onlara yalnız əl uzatmağa çalışıb: “Bizə hər şeydə yol göstərirdilər. Çox məmnun qaldıq”.
Artuç Avropada böyük mədəniyyət gördüklərini bildirir. “Mədəniyyət saçını bir tərəfə daramaq və ya yamaqlı şalvar geyinmək deyil”, – kəndli təəssüratını belə bölüşür. Feyzullah avropalıların xoşbəxt yaşadığını görüb: “Biz Türkiyədə küçə heyvanlarına təpik atırıq. Orada başqa şeylər gördüm. Heyvanlara baxışım dəyişdi”. Oxu24.com
ŞƏRHLƏR