“Titanik”dən sağ çıxan qadının brilyant üzüyü 145 min dollara satılıb
22 Noyabr 2026, 01:34
Qaynar xətt:
(+99450) 247 90 86
DÜNYA
352
22.09.2026, 10:10
Əhalisi təxminən 90 min nəfər olan kiçik Avropa dövləti Andorrada işçi qüvvəsi çatışmazlığı yaranıb. Fransa və İspaniya arasında yerləşən ölkə yüksək həyat səviyyəsi, nisbətən aşağı vergiləri və Avropa üzrə orta göstəricidən yüksək əməkhaqları ilə seçilir.
HİT.az xəbər verir ki, “Newsweek”in məlumatına görə, 2026-cı ilin mayında Andorrada orta əməkhaqqı 2760 avroya çatıb. Bu, bir il ərzində 7,7 faiz artım deməkdir. Maliyyə sektorunda orta gəlir təxminən 4972 avro, energetika sahəsində 3608 avro təşkil edir. Mehmanxana-restoran sektorunda orta əməkhaqqı 2152 avroya, kənd təsərrüfatında isə təxminən 2000 avroya çatır.
Ölkədə xüsusilə səhiyyə, təhsil, yaşlı və xəstə insanlara qulluq, məişət xidmətləri və ictimai nəqliyyat sahələrində işçi çatışmazlığı kəskin hiss olunur. Vakansiyaların əhəmiyyətli hissəsi turizmlə də bağlıdır. 2026-cı ildə hakimiyyət mehmanxana və restoranlar üçün əlavə iş icazələri ayırıb. Ən çox tələb olunan mütəxəssislər arasında ofisiantlar, xadimələr və aşpazlar var.
Əcnəbilərin cəlb edilməsi üçün Andorra pilot proqram da başladır. 2026-cı ilin dekabrından 2027-ci ilin avqustunadək 450 iş icazəsinin verilməsi nəzərdə tutulur. Bunun işçi çatışmazlığının aradan qaldırılmasına və ənənəvi turizm mövsümündənkənar dövrdə turizm sektorunun dəstəklənməsinə kömək edəcəyi gözlənilir.
Məlumata görə, xarici işçilər sosial təminatlardan yararlanırlar. Onlar üçün 40 saatlıq iş həftəsi, 30 gün illik məzuniyyət və CASS sistemi vasitəsilə sosial müdafiə nəzərdə tutulub. İşçinin sosial sığorta ödənişi 6,5 faiz təşkil edir. İllik gəliri 24 min avroyadək olan şəxslərdən gəlir vergisi tutulmur, maksimal vergi dərəcəsi isə 10 faizdir.
Bununla yanaşı, Andorra Avropa İttifaqının üzvü deyil. Buna görə də əcnəbilərə işləmək üçün icazə tələb olunur. Avropa İttifaqı vətəndaşları üçün sadələşdirilmiş prosedurlar tətbiq edilir. Fransa, İspaniya və Portuqaliya vətəndaşları isə ikitərəfli sazişlər sayəsində əlavə üstünlüklərdən yararlanırlar.
01:34 / 22 Noyabr 2026
6
01:33 / 22 Noyabr 2026
39
23:53 / 21 Noyabr 2026
384
23:41 / 21 Noyabr 2026
154
23:11 / 21 Noyabr 2026
829
23:00 / 21 Noyabr 2026
121
22:47 / 21 Noyabr 2026
322
22:32 / 21 Noyabr 2026
173
22:20 / 21 Noyabr 2026
477
22:02 / 21 Noyabr 2026
371
21:49 / 21 Noyabr 2026
133
21:32 / 21 Noyabr 2026
562
21:27 / 21 Noyabr 2026
164
21:20 / 21 Noyabr 2026
145
21:17 / 21 Noyabr 2026
785
20:49 / 21 Noyabr 2026
1136
20:33 / 21 Noyabr 2026
184
20:09 / 21 Noyabr 2026
2004
19:14 / 21 Noyabr 2026
804
19:12 / 21 Noyabr 2026
224
18:41 / 21 Noyabr 2026
165
18:29 / 21 Noyabr 2026
162
18:19 / 21 Noyabr 2026
158
© 2026 Oxu24.com Müəllif hüquqları qorunur.