Ukrayna Rusiya ilə bu məsələdə razılığa gələ bilmir

DÜNYA

635

24.12.2025, 22:34

"The Washington Post" qəzetinin yazdığına görə, Ukrayna Prezidenti Vladimir Zelenski tərəfindən elan edilən Donbasda azad iqtisadi zonanın yaradılması, Rusiyanın razı olmadığı bir şeydir.

Oxu24.com xəbər verir ki, nəşr qeyd edir ki, əgər azad iqtisadi zona yaradılarsa, o, nə Rusiya, nə də Ukrayna hərbçiləri tərəfindən işğal olunmayacaq. Buna görə də, əraziyə kimin nəzarət edəcəyini müəyyən etmək lazım olacaq.

"Xarici sülhməramlıların yerləşdirilməsi mümkün bir seçimdir. Lakin Rusiya əvvəllər Ukraynada xarici qoşunların yerləşdirilməsi ideyasına qarşı çıxıb. Hər iki tərəfin belə bir missiyaya hansı ölkələrin qoşun göndərə biləcəyi barədə razılığa gəlməsi çətin olacaq", - deyə "The Washington Post" yazıb.

"The Washington Post" qeyd edir ki, Zelenskinin təklifləri "Donbas ərazi məsələsində kompromis yolunda ilk addımdır".

Lakin nəşr Rusiyanın 20 maddəlik planı qəbul etməsinin ehtimalının az olduğunu qeyd edir.

24 dekabr 2025-ci ildə Zelenski Ukrayna üçün 20 maddəlik sülh planını elan etdi. O, ərazi məsələsini ən problemli məqam adlandırdı. Ukrayna təmas xətti boyunca münaqişəyə son qoymağı təklif edir, lakin Kreml Ukrayna ordusunun Donbas ərazisindən tamamilə çıxarılmasında israr edir.

Tərəflər həmçinin Zaporojye Atom Elektrik Stansiyasının nəzarəti barədə razılığa gələ bilmirlər. ABŞ hesab edir ki, stansiya Ukrayna, ABŞ və Rusiya tərəfindən birgə idarə olunmalıdır. Lakin Kiyev hesab edir ki, Zaporojye Atom Elektrik Stansiyasını yalnız Ukrayna və ABŞ idarə etməlidir.

Qeyd etmək lazımdır ki, 14-15 dekabr tarixlərində keçirilən Aİ sammitindən sonra Avropa siyasətçiləri Ukrayna üçün təhlükəsizlik zəmanətləri təmin etmək üçün "çoxmillətli qüvvə" yaratmaq niyyətlərini açıqladılar.

Nigar

Həmçinin oxuyun