Miqrantları nə gözləyir?

DÜNYA

478

07.08.2025, 14:10

Aİ ölkələrinin əksəriyyəti öz ərazilərində olan qeyri-qanuni miqrantların və sığınacaq axtaran şəxslərin Afrika ölkələri də daxil olmaqla üçüncü ölkələrdəki xüsusi mərkəzlərə göndərilməsi ideyasını dəstəkləyir.

Oxu24.com xəbər verir ki, bu barədə Britaniyanın Financial Times (FT) qəzeti məlumat yayıb.

Aİ-yə sədrlik edən Danimarkanın inteqrasiya və immiqrasiya naziri Kare Dubvad nəşrə deyib: “Mən inanıram ki, bu cür planlara geniş dəstək var.Sığınacaq axtaranları blokdan kənara göndərmək ideyası hazırda çox populyardır."

Nəşr miqrantların üçüncü ölkələrdə yaradılmış xüsusi mərkəzlərə göndərilməsi proqramlarının həyata keçirilməsi istiqamətində addımlar atan ölkələr arasında Almaniya, Danimarka və İtaliyanın adını çəkir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Almaniya Almaniya ərazisinə qeyri-qanuni yollarla gələn miqrantların xüsusi mərkəzlərə qəbulu ilə bağlı Ruanda ilə danışıqlar aparır. Orada miqrantlar yoxlama prosedurundan keçəcək, onun nəticələrinə əsasən Aİ ölkələrindən birində qalmaq hüququnun verilməsi məsələsinə qərar veriləcək. Ötən ay Ruanda cinayət törətmiş və ABŞ-dan deportasiya edilən üçüncü ölkə vətəndaşlarını qəbul etmək üçün Vaşinqtonla müqavilə imzalayıb. Hollandiya qeyri-qanuni miqrantları qəbul etmək üçün Uqanda ilə danışıqlar aparır.

Dubvadın fikrincə, ideal variant Şimali Afrika ölkələrində və digər “sabit hökumətləri olan sabit ölkələrdə” miqrant mərkəzlərinin yaradılması olardı.

Beynəlxalq Miqrasiya Təşkilatının məlumatına görə, 2024-cü ildə Aİ-yə 239 min qanunsuz miqrant gələcək. Eurostat-ın məlumatına görə, hazırda Aİ-də 23,8 milyon qeyri-qanuni miqrant var.

Nigar