Kanada Fələstini tanımaq istəyir

Kanadanın baş naziri Mark Karni 2025-ci ilin sentyabrında keçiriləcək BMT Baş Assambleyasının 80-ci sessiyasında Fələstin dövlətini tanıyacağını açıqlayıb.

Oxu24.com  xəbər verir  ki,"Kanada çoxdan iki dövlətli həllə sadiqdir - sülh və təhlükəsizlik şəraitində İsrail Dövləti ilə yanaşı yaşayan müstəqil, yaşaya bilən və suveren Fələstin dövləti", - Karni deyib.

O, əlavə edib ki, Ottava “Qəzza zolağında fəlakətə yol verən” İsrail hökumətini pisləyir.

Kanadanın baş nazirinin sözlərinə görə, Fələstin Muxtariyyətinin prezidenti Mahmud Abbas onu 2026-cı ildə HƏMAS-ın "iştirak etməyəcəyi" seçkilər keçirəcəyinə əmin edib və Fələstin dövlətini "hərbiləşdirməyəcəyinə" söz verib.

İyulun 30-da axşam saatlarında BMT Baş Assambleyasında Malta da Fələstini tanımaq niyyətini açıqlayıb. Baş nazir Robert Abela bildirib ki, bu, ölkənin "Yaxın Şərqdə davamlı sülhə nail olmaq" səylərinin bir hissəsidir.

Reuters qeyd edir ki, Abela Fələstini tanımaq planlarını may ayında ilk dəfə bəyan edib və bunun iyunda keçiriləcək BMT konfransında baş verəcəyini bildirib, lakin sonradan konfrans təxirə salınıb.

İsrail Xarici İşlər Nazirliyi Kanada hökumətinin qərarını "Həmas üçün mükafat" və "Qəzzada atəşkəsə nail olmaq səylərinə zərbə" adlandırıb.

Donald Tramp bildirib ki, Kanadanın Fələstini tanıması ABŞ-la ticarət əlaqələrinə mane olacaq. "Vay! Kanada indicə Fələstin dövlətçiliyini dəstəklədiyini açıqladı. Bu, bizim onlarla ticarət razılaşması əldə etməyimizi xeyli çətinləşdirəcək", - o, Truth sosial şəbəkəsində yazıb.

Kanada Fələstin dövlətinin müstəqilliyini tanımaq niyyətini elan edən üçüncü G7 ölkəsi oldu. G7 liderlərindən Fələstini tanımaq qərarını ilk elan edən Fransa prezidenti Emmanuel Makron, ardınca isə Böyük Britaniyanın baş naziri Key Starmer olub. Hələ may ayında üç Avropa ölkəsi də Fələstinin müstəqilliyini tanıyıb - Norveç, İrlandiya və İspaniya. Həmin vaxt Fələstin dövləti Rusiya və Çin də daxil olmaqla BMT-yə üzv olan 193 ölkədən 143-ü tərəfindən rəsmən tanınıb. ABŞ və İsrail Fələstinin dövlətçiliyini tanımır.

Nigar

Həmçinin oxuyun

Xanımına onu aradan götürəcəklərini deyibmiş -Həmin kasetdə nə olub?

Bazar günü ilə bağlı ölkə boyu xəbərdarlıq EDİLDİ

Azərbaycan bu ölkəyə başsağlığı verdi

16 avqustda bizi nələr gözləyir? — ULDUZ FALI