Qaynar xətt:

(+99450) 247 90 86

Paşinyanın  ofisindən Zəngəzur dəhlizi ilə bağlı  AÇIQLAMA 

2025/01/26/1737839446_pasinyan.jpg

DÜNYA

447

31.07.2025, 13:05

Zəngəzur dəhlizinin biznes idarəçiliyi özəl sektora həvalə edilə bilər, deyə Ermənistanın baş nazirinin mətbuat katibi Nazeli Bağdasaryan bildirib.

Oxu24.com  xəbər  verir    ki, onun sözlərinə görə, “Ermənistanın ərazi bütövlüyü, suverenliyi, yurisdiksiyası özgəninkiləşdirilə bilməz”.

"Dəmir yolu, boru kəməri, elektrik xətlərinin biznes idarəçiliyi mümkündür. Yeri gəlmişkən, Ermənistanda bu gün və həmişə avtomobil yollarının saxlanılması və idarə olunması özəl şirkətlərə həvalə olunub", - Bağdasaryan əlavə edib.

Bu günlərdə Ermənistan prezidenti Vaaqn Xaçaturyan bildirib ki, Zəngəzur dəhlizi ölkənin inkişafı üçün yeni imkanlar aça bilər: "Əgər biz Sünikin 43 kilometrini açsaq, bu, böyük imkanlar verəcək. Sülh yollarının kəsişməsi artıq beynəlxalq ictimaiyyətin diqqətini cəlb edir. Biz sadəcə olaraq, mövcud reallığı göstəririk. Bizim məqsədimiz sülh sazişinin ən erkən imzalanmasıdır".

Miri