Somaliland ABŞ-yə nə təklif edir?

DÜNYA

479

30.07.2025, 13:25

Tanınmamış Somalilandın hakimiyyəti beynəlxalq tanınma müqabilində ABŞ-a hərbi bazanın yaradılması və təbii sərvətlərin işlənməsinə dair razılaşmalar təklif etməyə hazırdır.

CityPost.az xəbər verir ki, bu barədə Bloomberg agentliyi regionun rəhbəri Abdirahman Mohamed Abdullahiyə istinadən məlumat yayıb.

Abdullahi agentliyə bildirib ki, Somaliland hakimiyyəti ABŞ-ın Somalidəki səfirliyi və ABŞ Dövlət Departamenti ilə iqtisadi əməkdaşlıq, təhlükəsizlik və terrorizmlə mübarizə sahələrində tərəfdaşlıq qurmaq üçün danışıqlar aparır.

Onun sözlərinə görə, bununla bağlı Vaşinqtona səfər etməyi planlaşdırır.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Eyni zamanda o, ABŞ-la müqavilələrin bağlanmasının Somalinin rəsmi tanınmasından asılı olmadığını vurğulayıb.

Abdullahi həmçinin qeyd edib ki, son aylarda ABŞ-ın Somalidəki səfiri dəfələrlə Somalilandda olub, dekabrda isə Pentaqonun nümayəndələri bölgəyə gəliblər.

Dövlət Departamenti ABŞ səfirinin və digər rəsmi şəxslərin Somalilendə səfərlərini təsdiqləyib, lakin onun tanınması ilə bağlı region nümayəndələri ilə fəal danışıqlar aparmadığını vurğulayıb. Departament həmçinin xatırladıb ki, ABŞ Somalinin suverenliyini və ərazi bütövlüyünü tanıyır.

1991-ci ildə Siad Barre rejiminin süqutundan sonra Somali faktiki olaraq ayrı-ayrı bölgələrə parçalandı. Beynəlxalq ictimaiyyət yalnız paytaxt Moqadişu və bir sıra digər ərazilərə nəzarət edən federal hökuməti tanıyır. Ölkənin qalan hissəsi tanınmamış qurumların və ya özünü idarə edən bölgələrin nəzarəti altındadır. Şimalda müstəqilliyini elan edən, lakin tanınmayan və rəsmi olaraq Somalinin bir hissəsi sayılan Somaliland Respublikası yerləşir. Şərqdə 1998-ci ildə özünüidarəetmə elan edən Puntland muxtar bölgəsidir.

Nigar