Rusiyadakı təyyarə qəzası ilə bağlı YENİ TƏFƏRRÜATLAR: İki versiya var…

 Xəbər verdiyimiz kimi Rusiyanın Amur vilayətində “An-24” təyyarəsi qəzaya uğrayıb. Hadisəyə görə, Rusiyada matəm elan olunub.

Oxu24.com  Globalinfo.az-a istinadən  xəbər verir ki, təyyarə qəzası ilə bağlı bəzi təfərrüatlar məlum olub.

Məlumata görə, “An-24” sərnişin təyyarəsi Amur vilayətində qəzaya uğrayıb. Təyyarədə olanların hamısı həlak olub.

Xabarovskdan uçan Anqara Hava Yollarına məxsus “An-24” təyyarəsi təyinat yerindən bir neçə kilometr aralıda idarəetmə məntəqəsi ilə əlaqə saxlaya bilməyib. Təyyarə havada hər hansı problem barədə siqnal verməyib və yerə ikinci dəfə yaxınlaşdıqdan sonra radarlardan itib.

Hava-xilasedicilərinin sözlərinə görə, təyyarə 10 ballıq bulud örtüyündə eniş yerinə yaxınlaşmağa çalışıb. Aviasiya xidmətləri isə havanı uçuşların qəbulu üçün əlverişli adlandırıb.

Müxtəlif mənbələrə görə, təyyarənin göyərtəsində 6-sı ekipaj üzvü olmaqla 50-yə yaxın insan var idi.

Həmçinin oxuyun

Zəlzələ BAŞ VERDİ

Ədliyyə Nazirliyində mühüm vəzifələr  boş qalıb — Təyinatları gecikdirən SƏBƏBLƏR  NƏDİR?  

Azərbaycan-Ermənistan münasibətlərində YENİ MƏRHƏLƏ  - Politoloq gözləntiləri AÇIQLADI 

Qurban Qurbanovun toyunu görün hansı müğənni oxuyubmuş  - AÇIQLAMA 

Amur vilayətinin qubernatoru Vasili Orlov 5-i uşaq olmaqla 43 sərnişinin olduğunu açıqlayıb.

Fövqəladə Hallar Xidməti isə təyyarədə 40 sərnişinin olduğunu bildirib. Qeyd olunur ki, keçilməz tayqa meşələri və bataqlıqlar səbəbindən axtarışlar əsasən havadan aparılmalı idi. Təyyarənin qalıqları yerli vaxtla saat 15:26-da Tyndadan 16 km aralıda, dağ yamacında tapılıb.

Dövlətlərarası Aviasiya Komitəsi qəza ilə bağlı araşdırmalara başlayıb. Hökumət qəzanın nəticələrini aradan qaldırmaq üçün komissiya yaradıb. Qəza ilə bağlı qərargah da yaradılıb.

İstintaq Komitəsi hava gəmisinin istismarı zamanı təhlükəsizlik qaydalarının pozulması (Rusiya Federasiyası Cinayət Məcəlləsinin 263-cü maddəsinin 3-cü hissəsi) ilə bağlı iş açıb. Baş verənlərlə bağlı bir neçə versiya, o cümlədən təyyarənin nasazlığı və pilot xətası nəzərdən keçirilir.

Məlum olub ki, təyyarə təxminən 50 il əvvəl istehsal edilib, 2021-ci ildə təyyarənin uçuşa yararlılıq sertifikatı 2036-cı ilə qədər uzadılıb.

Qeyd olunur ki, hökumət həlak olanların yaxınlarına yardım göstərəcəyini vəd edib. Rusiya prezidenti Vladimir Putin həlak olanların ailələrinə və yaxınlarına başsağlığı verib. Faciə ilə bağlı Çin, Belarus, Qazaxıstan, Misir, Türkiyə, Azərbaycan və Malayziyanın dövlət rəhbərləri başsağlığı məktubu ünvanlayıb.