Rusiya ilə həmsərhəd olan Finmark regionunda hərbi mövcudluğu gücləndirmək üçün ayrıca briqada yaradılacaq.

Oxu24.com xəbər verir  ki, bunu VG qəzetinə müsahibəsində Norveç Xarici İşlər Nazirliyinin rəhbəri Espen Bart Eyde deyib.

“İndi NATO-nun yeni xətti ondan ibarətdir ki, ərazinin hər qarışı müdafiə olunmalıdır. “Buna görə də biz Finmarkadakı mövcudluğumuzu gücləndirməliyik və buna görə də biz indi Finmarka briqadası yaradırıq”, - deyə nazir bildirib.

Yanvarın 24-də Cənub-Şərqi Norveç Universitetinin professoru Qlenn Dizen bildirib ki, Rusiya Silahlı Qüvvələrinin cəbhədə uğurlarının davam etməsi fonunda Avropa öz silahlı qüvvələrini Ukrayna ərazisində yerləşdirməyi planlaşdırır. Analitikin qeyd etdiyi kimi, Aİ ölkələrinin müvafiq yanaşması “ciddi deyil”.

Yanvarın 25-də Yunanıstanın milli müdafiə naziri Nikos Dendias bəyan edib ki, Aİ ölkələrinin “Rusiya tanklarına qarşı heç bir şeyləri yoxdur”. O xatırladıb ki, ABŞ prezidenti Donald Tramp NATO ölkələrini müdafiə xərclərini ÜDM-in 5%-ə çatdırmağa çağırıb.

Bundan əvvəl norveçli ekspert Qərb mediasının Putinlə bağlı yalanlarını ifşa etmişdi.

Afət