ABŞ-nin yeni seçilmiş Prezidenti Donald Tramp Çin sədri Si Cinpini öz inauqurasiya mərasiminə dəvət edib.

Oxu24.com  xəbər verir ki, bu barədə məlumatı “CBS News” yayıb. 

Telekanalın mənbəsinin sözlərinə görə, Tramp Çin liderinə hələ noyabrda, seçkilərdə qalib gəlməsindən sonra dəvət ünvanlayıb:

“Lakin Cinpinin dəvəti qəbul edib-etmədiyi hələ aydın deyil”.

Bununla yanaşı, qeyd olunub ki, Trampın komandası tədbirə digər yüksəkvəzifəli qonaqları da dəvət etməyi planlaşdırır: “Məsələn, Macarıstanın Baş naziri Viktor Orban iştirakı barədə hələ düşünür”.

Qeyd edək ki, bundan əvvəl “13 news” telekanalı İsrailin Baş naziri Benyamin Netanyahunun ABŞ-nin 47-ci prezidentinin andiçmə mərasimində iştirak etməyi planlaşdırdığını, lakin hələ yekun qərarın verilmədiyini yazıb. 

Onu da xatırladaq ki, Trampın andiçmə mərasimi 2025-ci il yanvarın 20-də baş tutacaq.