Fransa prezidenti Emmanuel Makron "Gürcü Arzusu - Demokratik Gürcüstan" partiyasının yaradıcısı Bidzina İvanişvilini ölkədəki vəziyyətin yüngülləşdirilməsinə kömək etmək üçün dəvət edib.

Oxu24.com bu barədə Gürcüstanın hakim partiyasının mətbuat xidmətinin bəyanatına istinadən xəbər verir.

Qeyd olunur ki, müvafiq təklif Fransa liderinin təşəbbüsü ilə Makronla İvanişvili arasında baş tutan telefon danışığı zamanı səsləndirilib. “Gürcü arzusu”nun yaradıcısı təşəbbüsə görə Fransa prezidentinə təşəkkür edib. Qeyd olunur ki, tərəflər yaxın günlərdə yenidən əlaqə saxlamağa razılaşıblar.

“Fransa prezidentinin təşəbbüsü ilə “Gürcü arzusu”nun fəxri sədri Bidzina İvanişvili ilə Emmanuel Makron arasında telefon danışığı olub. Makron qeyd edib ki, o, Gürcüstandakı vəziyyətdən təəssüflənir və bu vəziyyətin tam aradan qaldırılmasına töhfə vermək arzusundadır”, - partiyanın bəyanatında deyilir.

Bundan əvvəl Gürcüstanın Dövlət Təhlükəsizliyi Xidməti məlumat vermişdi ki, Gürcüstanda etiraz aksiyalarının təşkilatçıları dekabrın 14-nə təyin edilmiş ölkədə keçiriləcək prezident seçkilərini pozmağa çalışacaqlar. Kəşfiyyat xidmətinin məlumatına görə, onlar cəmiyyətdə etiraz əhval-ruhiyyəsini yüksəltmək üçün vəziyyəti mümkün qədər gərginləşdirmək və etirazçılar arasında itkilər vermək niyyətindədirlər.

Nigar