Suriya qoşunları ölkənin üç vilayətində irəliləməyə başlayıb

Suriya Silahlı Qüvvələri (SQ) terrorçuları sıxışdırmaq üçün Hələb, İdlib və Həma əyalətlərində bir neçə istiqamətdə irəliləməyə başlayıb.

Oxu24.com xəbər verir  ki, bu barədə Respublika Müdafiə Nazirliyi Facebook sosial şəbəkəsində məlumat yayıb.

“Son 24 saat ərzində Suriya ordusu Suriyada mövcud olan dost Rusiya qüvvələrinin dəstəyi ilə Hələb əyalətlərində terrorçuların hədəflərinə, anbarlarına, təchizat yollarına və terrorçuların  irəliləyişlərinə raket, artilleriya və hava zərbələri endirməyə davam edib”, - deyə məlumatda bildirilir.

Müdafiə Nazirliyinin məlumatına görə, hücum nəticəsində beş qərargah və silah-sursat olan yeddi anbar məhv edilib.

Noyabrın 28-də CNN telekanalı Suriyanın silahlı müxalifət qruplarının Hələb vilayətinin qərb bölgələrində hökumət qoşunlarına qarşı irimiqyaslı hücuma keçdiyini bildirib. Kanalın mənbəsinin məlumatına görə, nəticədə silahlılar 13 yaşayış məntəqəsini, o cümlədən strateji əhəmiyyətli Urm əs-Suğra və Əncar şəhərlərini ələ keçirib.

Noyabrın 30-da Suriya Müdafiə Nazirliyi terrorçu qrupların Hələb şəhərinin bir çox ərazisinə daxil olması barədə məlumat yayıb. Rusiya aviasiyası yaraqlıların cəmləşdiyi ərazilərə zərbələr endirir.

Bundan əvvəl Kreml Suriyaya dəstəyi davam etdirəcəyinə söz vermişdi.

 

Miri