Tbilisinin mərkəzində yeni etiraz aksiyası keçirilir

Tbilisinin mərkəzində dünənki etiraz aksiyalarında xəsarət alan jurnalistlər üçün həmrəylik aksiyası keçirilir.

Oxu24.com xəbər verir  ki, bu barədə Strana Telegram kanalı məlumat yayıb.

Videoda nümayişçilərin polis kordonuna yaxınlaşdığı və jurnalistlərin polis fotolarını nümayiş etdirdiyi görünür.

Sputnik Gürcüstan xəbər verir ki, Gürcüstan hakimiyyətinin Aİ-yə üzvlüklə bağlı danışıqları dayandırmaq qərarına etiraz edənlər Tbilisidə də parlament qarşısında toplaşıblar.

Rustaveli prospektinin bağlandığı və polisin ora səfərbər edildiyi qeyd edilir.

Noyabrın 28-də axşam Tbilisidə və Gürcüstanın digər şəhərlərində hakim “Gürcü arzusu” partiyasının Avropa İttifaqı ilə üzvlük danışıqlarını 2028-ci ilə qədər dayandırmasından sonra mitinqlər başlayıb. Müxalifətin etiraz aksiyasında Gürcüstan prezidenti Salome Zurabişvili də iştirak edib.

Təhlükəsizlik qüvvələri nümayişçiləri dağıtmaq üçün təzyiqli su və gözyaşardıcı qazdan istifadə edib. Tbilisidə parlament binası yaxınlığında keçirilən aksiyanın dağıdılması zamanı 30-dan çox polis əməkdaşı yaralanıb.

Bundan əvvəl Gürcüstanın Daxili İşlər Nazirliyi etirazçıların strateji obyektləri blokadaya almaq planlarını açıqlamışdı.

 

Miri