İran prezidenti Məsud Pezeşkian oğluna hökumətdə yüksək vəzifə verib. 

Oxu24.com İran KİV-lərinə istinadən xəbər verir ki, İran liderinin böyük oğlu Yusif Pezeşkian Prezident Administrasiyasının rəhbərinin müşaviri və media üzrə köməkçisi təyin edilib.

Məlumata görə, o, bu vəzifəyə Prezident Aparatının rəhbəri Möhsün Hacı Mirzayi tərəfindən təyinat alıb. Qeyd olunub ki, Pezeşkianın oğlu Texnologiya Universitetinin doktorantıdır.

Xatırladaq ki, müddət öncə isə Məsud Pezeşkianın kürəkəni Həsən Məcidiyə də Prezident Administrasiyasının xüsusi köməkçisi vəzifəsinə təyinat verilib.