Avropa Parlamentinin üzvləri səs çoxluğu ilə Gürcüstandakı vəziyyətlə bağlı yeni qətnamə qəbul ediblər.

Oxu24.com  xəbər verir ki, sənəddə ölkədə keçirilən parlament seçkilərinin nəticələrinin tanınmaması, təkrar səsvermənin keçirilməsi və gürcü siyasətçilərinə qarşı sanksiyaların tətbiqi çağırışları yer alıb.

Gürcüstan Avropa Birliyinə üzv olmaq üçün namizəddir. Avropa Parlamentinin xarici siyasət məsələlərinə dair qətnamələri məsləhət xarakteri daşıyır və Aİ təsisatları və ya üzv dövlətlər üçün məcburi deyil. Sənədi 444 deputat dəstəkləyib, 72 deputat əleyhinə, 82 deputat isə bitərəf qalıb.

Qətnamədə deyilir ki, “Avropa Parlamenti parlament seçkilərinin hər hansı tanınmasını rədd edir və prosesin həqiqi ədalətliliyini və şəffaflığını təmin etmək üçün yaxşılaşdırılmış seçki şəraitində, yaxından beynəlxalq müşahidə ilə bir il ərzində təkrar səsverməyə çağırır”.

Noyabrın 26-da Gürcüstanın xarici işlər naziri vəzifəsinə namizəd Maka Boçorişvili bildirib ki, respublika Avropa İttifaqına gedən yolda tərəfdaşlarla konstruktiv dialoqa hazırdır, lakin ultimatumlara qulaq asmayacaq.

Bundan əvvəl Gürcüstanın baş naziri Avropa İttifaqı ilə yaxınlaşma şərtini açıqlamışdı.
 

Nigar