İŞİD silahlıları Türkiyədə terror aktı törətməyi planlaşdırıb

İstanbulda polis partlayıcı maddələrdən istifadə etməklə terror aktı hazırlayan “İslam Dövləti” (İŞİD)  terror təşkilatının iki tərəfdarını saxlayıb.

Oxu24.com xəbər verir  ki, bu barədə İHA məlumat yayıb.

Nəşr qeyd edir ki, hüquq-mühafizə orqanlarının əməkdaşları şübhəlilərdən birinin partlayıcı maddələr və bombanın yığılması yolları haqqında məlumatları internetdə axtarmağa başladıqdan sonra onu izləməyə başlayıblar. Polis onu və Qaziosmanpaşa rayonunda eyni binada müxtəlif mənzillərdə yaşayan digər şübhəli şəxsi saxlayıb.

Yaşayış məntəqələrində aparılan axtarışlar çərçivəsində partlayıcı maddələr, bomba hazırlamaq üçün kimyəvi maddələr, laboratoriya ləvazimatları, terror təşkilatının simvolları və digər materiallar müsadirə edilib.

İHA 2021-ci ildə saxlanılanların İŞİD-ə üzv olmaq ittihamı ilə həbs edildiyini vurğulayır. Onlar 2023-cü ildə azad ediliblər.

Noyabrın 14-də FSB əməkdaşlarının İŞİD yaraqlılarının arvad və dul arvadlarına SİM kart verməkdə şübhəli bilinən İnquşetiya Respublikasının sakinini saxladığı bildirilib.

Qeyd edək ki, bir müddət əvvəl İraqın baş naziri ölkədə İslam Dövləti liderinin aradan götürüldüyünü bəyan edib.

 

Nigar