Rusiyanın dəniz neft ixracı son iki ayın ən aşağı səviyyəsinə düşüb və iyul ayından bəri ən böyük azalma ilə üzləşib.

Oxu24.com xəbər verir ki, bu barədə Bloomberg öz hesablamalarına istinadən xəbər verir.

Nəşr qeyd edir ki, azalma Hindistanın alışlarının azalması ilə əlaqədardır. Son bir həftə ərzində tankerlərə 20,5 milyon barel və ya sutkada 2,93 milyon barel Rusiya nefti yüklənib.

Bundan başqa, ötən ay tədarük sutkada 3,57 milyon barel təşkil edib. Son iki həftədə tədarüklər dörd həftəlik ortalamadan aşağı olmuşdur.

Bundan əlavə, son iki həftə ərzində Rusiyanın Qərb limanlarında daşımalar ötən ayın orta səviyyəsi ilə müqayisədə təxminən 25% azalıb.

Qeyd olunur ki, Asiyaya tədarük son bir ayda sutkada 2,76 milyon barelə qədər azalıb. Oktyabrın sonundan etibarən Hindistana daşınmaların payı əhəmiyyətli dərəcədə azalır.

Nigar