İsrail və Hizbullah atəşkəsə "çox yaxındır"

İsrail və iranpərəst Livan Hizbullah təşkilatı Livanda atəşkəs sazişi bağlamağa yaxındır.

Oxu24.com  xəbər verir  ki, bu barədə CNN mənbəyə istinadən məlumat yayıb.

Onun sözlərinə görə, “İsrail hücumlarının” artmasına baxmayaraq, tərəflər razılığa “çox yaxındır”. Yəhudi dövlətinin nümayəndəsi telekanala deyib: “Biz bu istiqamətdə (razılığa doğru) irəliləyirik, lakin hələ də həll edilməli olan bəzi məsələlər var”.

Bundan əvvəl İsrailin Ynet xəbər portalı İsrailin Livanda Hizbullahla təklif olunan atəşkəs razılaşmasını müvəqqəti olaraq təsdiqlədiyini və indi Nazirlər Kabinetinin yekun təsdiqinə tabe olduğunu bildirmişdi.

Bazar günü Axios-un jurnalisti Barak Ravid bir mənbəyə istinadən xəbər verir ki, ABŞ administrasiyasının xüsusi nümayəndəsi Amos Hochstein İsrailin baş naziri Benyamin Netanyahuya yəhudi dövləti yaxın günlərdə atəşin dayandırılmasına razılıq verməsə, vasitəçi vəzifəsindən istefa verəcəyini xəbərdar edib.

 

Nigar