Putin beynəlxalq telefon danışığı aparıb

Rusiya prezidenti Vladimir Putin cümə axşamı, noyabrın 21-də beynəlxalq telefon danışığı keçirib.

Oxu24.com  xəbər  verir ki, bu barədə dövlət başçısının mətbuat katibi Dmitri Peskov danışıb.

“Putin bu gün Kremldə işləyir. Prezidentin keçirdiyi beynəlxalq telefon danışığı barədə tezliklə məlumat verəcəyik”, - Peskov bildirib.

Daha sonra Kremlin mətbuat xidməti Putinin İraqın baş naziri Məhəmməd əl-Sudani ilə telefonla danışdığını bildirib.

“Ticarət-iqtisadi, nəqliyyat, logistika və humanitar sahələrdə ikitərəfli əməkdaşlığın cari məsələləri müzakirə edilib”, - məlumatda deyilir.

Bildirilir ki, enerji sektorunda həyata keçirilən layihələrə xüsusi diqqət yetirilib.

Bir gün əvvəl Putin Mərkəzi Afrika Respublikasının rəhbəri Faustin Archange Touadera ilə telefon danışığı aparıb. Söhbət zamanı Rusiya ilə Mərkəzi Afrika Respublikası arasında ikitərəfli münasibətlərin müxtəlif sahələrdə, o cümlədən siyasət, iqtisadiyyat və humanitar sahələrdə inkişafının hazırkı vəziyyəti və potensial istiqamətləri müzakirə olunub.

Bundan əvvəl Kreml Bryansk vilayətində ATACMS tətilindən sonra Putinin iş qrafiki barədə danışmışdı.

Miri