Kiyevdə hava hücumu xəbərdarlığı elan edilib.

Oxu24.com xəbər verir  ki, bu barədə Ukrayna paytaxtının meri Vitali Kliçko öz Telegram kanalında məlumat verib.

Ukraynanın “Strana.ua” nəşri qeyd edib ki, hazırda Ukrayna paytaxtının sakinləri kütləvi şəkildə sığınacaqlara enirlər.

Noyabrın 20-nə keçən gecə Kiyevdə və Ukraynanın Çerniqov vilayətində partlayışlar baş verib. Ukraynanın bir sıra vilayətlərinin ərazisinə hava hücumu xəbərdarlığı elan edilib.

Daha sonra TSN.ua xəbər saytı Kiyevdə yenidən partlayış səslərinin eşidildiyini bildirib. Analoji vəziyyət Brovaridə də baş verib. Ukrayna Rəqəmsal Transformasiya Nazirliyinin onlayn xəritəsinə əsasən, Kiyev vilayətində hava hücumu xəbərdarlığı səslənib.

Bunun fonunda ABŞ-ın Kiyevdəki səfirliyi diplomatik missiyanın bağlandığını elan edib. Diplomatlar noyabrın 20-də mümkün genişmiqyaslı hava hücumu ilə bağlı məlumatlara istinad edərək belə bir qərarı veriblər.

Bundan əvvəl Kiyevdə ölkənin energetika obyektlərinə ziyan dəydikdən sonra elektrik enerjisinin verilməsi qrafiki tətbiq edilib.

Nigar