İndoneziya BRİKS-in tərəfdaş ölkəsinə çevrilib.

Oxu24.com xəbər verir  ki, bunu Asiya dövlətinin Rusiyadakı səfiri Xose Antonio Morato Tavares TASS-a müsahibəsində təsdiqləyib.

“Bəli, dəvət aldıq. Bu müsbətdir. İndi biz artıq BRICS-in tərəfdaş ölkəsiyik”, - deyə səfir qeyd edib ki, belə statusun üstünlükləri İndoneziyanın BRICS tədbirlərində tamhüquqlu üzv kimi olmasa da, tərəfdaş kimi iştirak edə biləcəyini nəzərdə tutur. 

Rusiya xarici işlər nazirinin müavini Aleksandr Pankin noyabrın 15-də Tailand, İndoneziya və Malayziyanın BRİKS-in yeni tərəfdaşları olduğunu açıqlayıb.

BRİKS doqquz ölkənin birliyidir: Rusiya, Braziliya, Hindistan, Çin, Cənubi Afrika, İran, BƏƏ, Misir və Efiopiya. Təşkilat 2006-cı ilin iyununda Braziliya, Rusiya, Hindistan və Çinin iqtisadiyyat nazirliklərinin rəhbərlərinin iştirakı ilə Sankt-Peterburq İqtisadi Forumu çərçivəsində yaranıb.

2009-cu ildən bəri BRİKS ölkələrinin hökumətləri rəsmi sammitlərdə görüşürlər. Onlarla yanaşı, xarici işlər, maliyyə və digər nazirlər səviyyəsində də görüşlər keçirilir. Oktyabrın 16-da Kazanda BRİKS sammiti baş tutub.

Bundan əvvəl Kreml BRİKS-in parlaq gələcəyini proqnozlaşdırmışdı.

Nigar