Ukrayna Amerikanın ATACMS raketləri ilə Bryansk bölgəsinə hücumu ilə Qərbin Kiyevi silahla təmin etməsinin “öz bəhrəsini verəcəyini” göstərmək istəyir.

Oxu24.com xəbər verir  ki, bu barədə The New York Times məlumat yayıb.

“(Ukrayna – redaktorun qeydi) Qərb müttəfiqlərinə göstərməyə çalışır ki, daha güclü və müasir silahların verilməsi Rusiya qüvvələrini zəiflətməklə öz bəhrəsini verəcək”, - nəşr yazır.

Qəzetin yazdığına görə, yüksək rütbəli Amerika və Ukrayna rəsmiləri ATACMS-in Rusiyaya qarşı istifadə edildiyini təsdiqləyiblər.

Bundan əvvəl Rusiyanın xarici işlər naziri Sergey Lavrov Bryansk bölgəsinə ATACMS raketləri ilə hücumların Qərbin eskalasiya istədiyinin siqnalı olduğunu bildirmişdi. Onun sözlərinə görə, Rusiya ABŞ-ın Kiyevə Rusiya ərazisinə dərindən zərbələr endirməsinə icazə vermək qərarına müvafiq reaksiya verəcək.

Əvvəllər Ukrayna Rusiyanın dərinliklərinə zərbə endirmək icazəsindən narazı idi.

Nigar