İran Trampa qarşı sui-qəsd planlaşdırmır

İran oktyabr ayında ABŞ prezidenti Co Bayden administrasiyasına ölkənin Donald Trampa sui-qəsd hazırlamadığına dair yazılı təminat vermişdi.

 

Oxu24.com xəbər verir  ki, bu barədə “The Wall Street Journal” Amerika rəsmilərinə istinadən məlumat yayıb.

 

WSJ qeyd edir ki, bu, Tehran və Vaşinqton arasında gərginliyi azaltmaq üçün edilib.

 

Oktyabrın 14-də yayımlanan İran mesajı ABŞ-ın sentyabrda Tehrana göndərdiyi özəl yazılı xəbərdarlığa cavab idi.

 

Mənbələr bildiriblər ki, bu, administrasiyanın Trampa qarşı təhdidləri yüksək səviyyəli milli təhlükəsizlik məsələsi hesab etdiyi və onun həyatına hər hansı bir cəhdin müharibə aktı hesab ediləcəyi barədə ictimai mesajını əks etdirir.

 

Noyabrın 8-də ABŞ Ədliyyə Nazirliyi İran İslam İnqilabı Keşikçiləri Korpusunu ABŞ-ın seçilmiş prezidentinə və digər Amerika vətəndaşlarına qarşı sui-qəsd hazırlamaqda ittiham edib.

İran Xarici İşlər Nazirliyi bu xəbəri əsassız adlandırıb.

Bayden daha əvvəl İranı Trampa qarşı sui-qəsddən əl çəkməyə çağırmışdı.
 

Nigar