İsrail aviasiyası Dəməşqin mərkəzinə zərbələr endirib

İsrailin döyüş təyyarələri, ilkin məlumatlara görə, Suriyanın paytaxtı Dəməşqin mərkəzindəki Mazzeh bölgəsinə hücum edib.

Oxu24.com xəbər verir  ki, bu barədə RİA Novosti Suriyanın SANA agentliyinə istinadən məlumat yayıb.

“Mazzeh bölgəsindəki partlayışların səbəbi düşmən İsrailin havadan hücumudur”, - deyə məlumatda bildirilir.

Nəşrin məlumatına görə, İsrail aviasiyası Dəməşqin Qudsey bölgəsində yaşayış binasına növbəti zərbə endirib.

Bundan əvvəl İsrailin Dəməşqin cənub-şərq ətrafına hücum etdiyi, işğal altındakı Qolan təpələrindən raketlərin atıldığı bildirilirdi. Onlarla mülki şəxs yaralanıb. Hava hücumları zamanı Suriya ordusunun tərəfində vuruşan şiə Hizbullah birləşmələrinin döyüşçüləri məhv edilib.

2023-cü il oktyabrın 7-də minlərlə silahlı Həmas tərəfdarının Qəzza zolağından İsrail ərazisinə daxil olması ilə Yaxın Şərqdə vəziyyət gərginləşib. Buna cavab olaraq Netanyahu ölkənin müharibə vəziyyətində olduğunu bəyan edib. Bölgədə amansız qarşıdurma bir ildən artıqdır ki, davam edir, qonşu dövlətlər tədricən onun orbitinə çəkilir.

Bundan əvvəl üç ölkə İsrailin Suriyaya hərbi zərbələrini pisləyib.

 

Miri