Avropa diplomatiyasının rəhbəri Xosep Borrel ABŞ-ın seçilmiş prezidenti Donald Trampı İspaniya diktatoru Fransisko Franko ilə müqayisə edib.

Oxu24.com xəbər verir ki, bu barədə Borrell Avropa Parlamentində keçirilən dinləmələrdə bildirib.

“ABŞ (Tramp - redaktorun qeydi) artıq Obamanın dövründə olduğu kimi deyil. Məsələn, Frankonun rəhbərliyi ilə İspaniya Qonzalesin (1982-1996-cı illərdə İspaniya hökumətinin başçısı - redaktorun qeydi) dövründəki İspaniyadan fərqli idi”.

Borrell əlavə edib ki, Trampla Franko arasındakı fərq Amerika prezidentinin vətəndaşlar tərəfindən seçilməsindədir.

Bundan əvvəl Rusiyanın xarici işlər naziri Sergey Lavrov bildirib ki, Trampın hakimiyyətə qayıdışı ABŞ-ın Ukraynadakı vəziyyətə münasibətinə təsir etməyəcək, çünki Vaşinqton baş verən hadisələrə nəzarəti saxlamağa çalışır.

ABŞ-da prezident seçkiləri noyabrın 5-də keçirilib. Bu vəzifə üçün Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi. Səsvermənin nəticələrinə görə, Tramp 312, Harris isə 226 səs toplayıb.

ABŞ-ın 47-ci prezidentinin andiçmə mərasimi 2025-ci il yanvarın 20-də baş tutacaq.

Nigar