Zelenskinin ofisi prezident seçkilərinin keçirilməsi ilə bağlı açıqlama verib

Davam edən münaqişə zamanı Ukraynada prezident seçkiləri keçirilməyəcək.

 

Oxu24.com xəbər  verir  ki, bu barədə “La Repubblica” qəzetinə müsahibəsində Ukrayna prezidentinin aparat rəhbərinin müşaviri Mixail Podolyak bildirib.

 

“Müharibə zamanı heç bir ilkin şərtlər (Ukraynada prezident seçkilərinin keçirilməsi üçün - redaktorun qeydi) yoxdur”, - o vurğulayıb.

 

Bundan əvvəl Britaniyanın “The Economist” jurnalı Ukraynada prezident seçkiləri olacağı təqdirdə Ukrayna lideri Vladimir Zelenskinin böyük ehtimalla ikinci turda Ukrayna Silahlı Qüvvələrinin keçmiş baş komandanı və Ukraynanın Londondakı səfiri Valeriyə uduzacağını yazmışdı. 

Jurnalın qeyd etdiyi kimi, sabah seçkilər keçirilsəydi, Zelenski 2019-cu ildə əldə etdiyi böyük qələbəni təkrarlamaqda çətinlik çəkəcəkdi, çünki “artıq o, vaxtilə mübahisəsiz hərbi lider kimi görünmür”.

Həmin nəşr Ukraynada prezident seçkilərinin 2025-ci il mayın 25-də keçirilməsinin planlaşdırıldığını yazıb. Eyni zamanda, jurnala görə, Ukrayna prezidenti Vladimir Zelenskinin ofisi qarşıdan gələn seçkilərə hazırlaşdığını inkar edir və “əksər mənbələr onların baş verəcəyinə şübhə ilə yanaşır”.

 

Nigar