Partlayışlardan sonra Kiyev vilayətində yanğın başlayıb

Bölgədə baş verən partlayışlardan sonra Kiyev vilayətində yanğın başlayıb.

Oxu24.com xəbər verir  ki, bu barədə vilayət administrasiyasının rəhbəri Ruslan Kravçenko vilayət hakimiyyətinin Teleqram kanalında məlumat verib.

“Anbarda yanğın olub. Yanğın lokallaşdırılıb”, - Kravçenko bildirib.

Bundan əvvəl Kiyevin meri Vitali Kliçko bildirib ki, şəhərdə partlayışlar baş verib. Onun sözlərinə görə, Ukrayna paytaxtında hava hücumundan müdafiə sistemi  fəaliyyət göstərir.

Daha sonra bütün Ukraynada hava hücumu xəbərdarlığı elan edilib.

Rusiya ordusu Ukrayna infrastrukturunu 2022-ci ilin oktyabrında, Krım körpüsünün partlamasından qısa müddət sonra hədəfə almağa başlayıb. O vaxtdan bəri Ukraynanın müxtəlif bölgələrində, tez-tez ölkə daxilində hava hücumu xəbərdarlığı müntəzəm olaraq elan edilir. Rusiya Müdafiə Nazirliyinin məlumatına görə, energetika sektoru, müdafiə sənayesi, hərbi komandanlıq və rabitə obyektlərinə hücumlar həyata keçirilir.

Bundan əvvəl Ukraynanın şimal-şərqində partlayış baş verib.

 

Miri