Tayvan ABŞ-dan böyük miqdarda silah alacaq

Financial Times mənbələrə istinadən yazır ki, Tayvan hakimiyyəti ABŞ-dan əhəmiyyətli miqdarda silah almaq niyyətindədir.

 

Oxu24.com xəbər verir  ki, Tayvanın yüksək səviyyəli təhlükəsizlik rəsmisi FT-yə bildirib ki, ABŞ-ın yeni seçilmiş prezidenti Donald Trampın komandası ilə Tayvanın müdafiəsini gücləndirmək istəyini göstərmək üçün hansı silah paketlərinin əldə oluna biləcəyi ilə bağlı qeyri-ictimai müzakirələr aparılıb.

Vəziyyətlə tanış olan bir neçə şəxs FT-yə bildirib ki, Taypey çox güman ki, Lockheed Martin Corporation-dan gəmilər və Northrop Grumman-dan Grumman E-2 Hawkeye havadan erkən xəbərdarlıq təyyarələri tələb edəcək. Onlar həmçinin Patriot yer-hava raket sistemləri üçün daha çox raket istəyirlər və F-35 qırıcı-bombardmançı təyyarələrin verilməsini Vaşinqtonda müzakirələrə səbəb ola bilər.

Qəzetin həmsöhbətləri aydınlaşdırırlar ki, Taypey 60 F-35, dörd Grumman E-2 Hawkeyes, əvvəllər istismardan çıxarılan 10 gəmi və 400 Patriot raketinin satışı ilə bağlı müraciət edə bilər. Bundan əlavə, hakimiyyət “Aegis” raketdən müdafiə sistemi olan esmineslər almağı planlaşdırır.

FT xatırladır ki, Trampın prezidentliyi dövründə ABŞ Tayvana F-16 qırıcıları və Abrams tankları da daxil olmaqla 21 milyard dollar dəyərində silah tədarükünü təsdiqləyib. ABŞ prezidenti Co Bayden dövründə bu cür təchizatların dəyəri 7 milyard dollar təşkil edirdi.

 

Nigar